SIASA HAZICHAGUI ZATAWALA HATA KWENYE MISIBA: ONA MSIBA WA FIDEL ODINGA ULIVOKUWA

Mazishi ya Fidel Odinga, mtoto wa kwanza wa Waziri Mkuu Mstaafu, Raila A. Odinga

MWAKA 2015 umeanza kwa Simanzi kubwa iliyoikumba familia ya waziri mkuu wa zamani wa Kenya Raila Amolo Odinga baada ya taarifa ya kifo cha mtoto mkubwa wa mwanasiasa huyo mashuhuri nchini Kenya. Taarifa ya kifo cha mtoto wa odinga ilitolewa asubuhi ya Tarehe 04/01/2015.
Mtoto huyo anayefahamika kwa jina la Fidel Odinga alikutwa akiwa amefariki dunia kitandani kwake asubuhi ya tarehe 04, Januari (jumapili) baada ya kurudi nyumbani kwake alfajiri akiwa anatoka kukutana na marafiki zake .
Mara ya mwisho Fidel aliripotiwa kukutana na baba yake usiku wa jumamosi kabla ya kuagana na kwenda kukutana na rafiki zake katika sehemu ambayo haijawekwa wazi na baada ya hapo alirudi nyumbani kupumzika hadi mauti yalipomkumba.

mazishi ya mtoto huyo wa kwanza wa Raila Odinga yalifanyika Jumamosi Tarehe 10 January 2015 ambapo wanasiasa walichukua fursa ya mazishi ya Fidel Odinga kuendeleza siasa za Uchaguzi Mkuu wa 2017, huku waombolezaji wakipigia kelele waombolezaji waliotoka mrengo wa Jubilee.

Vinara wawili wakuu wa muungano wa Cord, Moses Wetangula na Kalonzo Musyoka walisema kwamba muungano huo uko tayari kushinda Uchaguzi Mkuu ujao. 

Ili kujua zaidi kuhusu tetesi za chanzo cha kifo hicho na shughuli ya mazishi kwa ufupi, tafadhali tizama video zilizopachikwa hapo chini...